Fiadeiro, estudo de deseño, marca e código en Vilagarcía de Arousa
Deseño, marca e código. No mesmo fío. No mesmo fío.
Seis entradas para entender de onde vimos, como traballamos e por que nos chamamos así.
0106
A fiada ou fiadeiro era un encontro nocturno das aldeas galegas. Durante as longas noites de inverno, as mulleres reuníanse para fiar o liño mentres cantaban, contaban historias, compartían saberes e facíanse compañía.
Non era só unha forma de traballar. Era un espazo para crear, aprender, conversar e facer comunidade.
De aí vén o noso nome e tamén unha parte da nosa maneira de entender o deseño.
Billete
Fiar tamén é crear.
0206
Na fiada compartíase moito máis ca fío: tempo, palabras, coñecemento e compañía.
Interésanos esa forma de traballar xuntos. Entender o que tes entre mans, achegar o que sabemos e construír algo que teña sentido para as persoas que o van utilizar.
Deseñar, para nós, tamén é escoitar, ordenar, probar e compartir decisións.
Billete
Deseñar tamén é compartir.
0306
A palabra galega fío está na orixe de confiar: ter un fío común que une.
Gústanos esa idea porque os bos proxectos tamén se constrúen así: con confianza, tempo, honestidade e traballo compartido.
Non cremos en entregar un deseño e desaparecer. Implicámonos en entender o problema, atopar unha dirección e levala ata o final.
Billete
Proxectos que xeran confianza.
0406
Traballamos desde Vilagarcía de Arousa, xunto ao mar e dentro dunha cultura que forma parte da nosa maneira de mirar.
A paisaxe, a arquitectura, a artesanía, a gráfica popular e as formas de facer de aquí alimentan o noso traballo.
Deseño, marca, código e dirección creativa desde unha beira que nos inspira.
Billete
Raíces que impulsan ideas.
0506
Preferimos traballar con poucos proxectos e estar realmente dentro deles.
Gústanos entender o negocio, o contexto e o que necesita antes de empezar a deseñar. Primeiro pensamos; despois debuxamos.
E se cremos que non somos o equipo axeitado para algo, dirémolo. Mesmo podemos recomendarche a alguén que encaixe mellor.
Billete
Menos proxectos, máis sentido.
0606
Somos dous e é a propósito.
Entre os dous reunimos deseño, branding, dirección creativa, desenvolvemento e tecnoloxía, así que non necesitas pasar dun provedor a outro para construír o teu proxecto.
Falas directamente con quen pensa, deseña e fai o traballo.
Billete
Persoas que fan, non intermediarios.
Empezamos polo esencial e chegamos ata o dixital.
Creamos marcas que se diferencian, conectan cos seus clientes e están preparadas para crecer, desde o branding, a papelaría e o packaging ata o deseño web, o código e o posicionamento.
Unimos deseño e tecnoloxía nun mesmo fío para que non teñas que xuntar provedores, para que todo sexa coherente e para que cada decisión teña un propósito: facer que a túa marca se vexa mellor, funcione mellor e chegue máis lonxe.
O que a xente lembra de ti cando non estás diante.
Como se ve, como se entende e como se move quen te visita.
A web construída á medida: rápida, accesible e túa.
Creamos estes paquetes para que poidas empezar cunha base clara e saber desde o principio que inclúe cada un. Cada proxecto é diferente e podemos adaptar cada proposta á medida do que realmente necesites. Se o teu proxecto pide algo máis, falámolo antes de empezar.
Para empezar
Unha landing page á medida, coidada ata o último detalle.
Para quen necesita presentar un negocio, servizo, proxecto ou portfolio nunha soa páxina, pero non quere renunciar a un deseño traballado.
Desde299 €+ IVE
Unha landing page deseñada especificamente para o teu proxecto.
Logotipo, cores, tipografías e recursos visuais adaptados para construír unha presenza coherente.
Deseño personalizado, pequenos efectos, movemento e interaccións que achegan personalidade sen complicar a navegación.
Organizamos os teus contidos para que a web sexa clara, doada de entender e orientada a conseguir contactos.
Adaptada a móbil e tableta, con SEO básico, analítica, formulario de contacto e optimización de velocidade.
Unha soa páxina. Todo o necesario para empezar.
Tempo estimado
1 – 2 semanas.
Ideal para
O máis popular
Unha web completa, con máis espazo para contar o que fas.
Para proxectos que necesitan varias páxinas, explicar os seus servizos, amosar o seu traballo e construír unha presenza dixital máis completa.
Desde699 €+ IVE
Unha web multipáxina de ata 5 páxinas principais, pensada para desenvolver mellor o teu proxecto.
Deseño personalizado, dirección creativa e identidade visual para que a túa marca teña coherencia máis alá dunha soa páxina.
Animacións, transicións, interaccións e recursos visuais pensados para facer a navegación máis atractiva e memorable.
Servizos, portfolio, galerías, catálogo, blog ou calquera contido que necesite o teu proxecto, estruturado para que sexa doado de percorrer e entender.
SEO, analítica, formularios, chamadas á acción, panel de edición e optimización para que a web non só se vexa ben, senón que funcione.
Máis espazo, máis posibilidades e unha web preparada para crecer contigo.
Tempo estimado
2 – 4 semanas.
Ideal para
Á medida
Un proxecto dixital á medida, pensado para algo máis.
Para proxectos que necesitan unha experiencia dixital máis complexa, funcionalidades específicas ou procesos que unha web convencional non pode resolver.
Desde1.299 €+ IVE
Tendas en liña, reservas, áreas privadas, campus, cursos e outras experiencias dixitais á medida.
Creamos a identidade e un manual de deseño para aplicala de forma coherente na web, redes sociais, contidos e demais soportes da marca.
Animacións, interaccións e experiencias dixitais deseñadas especificamente para o proxecto.
Vendas, reservas, usuarios, contidos, automatizacións e conexións entre as diferentes ferramentas do teu negocio.
SEO avanzado, analítica, rendemento e integracións para que a plataforma poida evolucionar co proxecto.
Para proxectos que necesitan algo que non cabe nunha web convencional.
Tempo estimado
4 – 8 semanas.
Ideal para
Fóra dos paquetes
Os tres paquetes cobren a web. Mantela en pé despois, e construír a marca coa que se levanta, van á parte. Tamén o facemos nós.
Despois de publicala
Desde35 €+ IVE / mes
Unha web non remata cando se publica. Encargámonos do aloxamento, do correo do teu dominio, das copias de seguranza e das revisións técnicas, para que ti non teñas que pensar niso.
Quero despreocuparme da miña web
Antes da web
Desde250 €+ IVE
En todos os proxectos revisamos que o logotipo, as cores e as tipografías funcionen xuntos. Se hai que construíla desde cero tamén o facemos: unha base visual crible desde 250 €, ou unha identidade completa, preparada para distintos medios, desde 600 €.
Quero traballar a miña identidade
Para que chegue máis lonxe
Desde190 €+ IVE / mes
Unha boa web non serve de nada se ninguén a atopa.
Ocupámonos da publicidade de principio a fin: Meta Ads para Instagram e Facebook, Google Ads para quen xa te está buscando, e as pezas gráficas de cada campaña.
Definimos a quen falarlle, medimos que funciona e contámoscho nun informe que se entende.
O investimento publicitario vai á parte: iso pólo ti e vai íntegro ás plataformas.
Quero que me atopenSe aínda tes dúbidas…
Seis preguntas, medio minuto e sen deixar o correo.
Como imaxinas a túa web?
Cantas páxinas necesitas?
Vas vender ou coller citas pola web?
Quen vai cambiar os textos e as fotos?
Para cando a necesitas?
Tes logotipo e cores de marca?
O que che encaixa
Fío
Unha soa páxina, ben feita, co xusto para que che escriban. Desde 299 € + IVE, lista nunha ou dúas semanas.
Madeixa
Varias páxinas para amosar ben o que fas, con panel para editalas ti. Desde 699 € + IVE, en dúas a catro semanas.
Tea
Unha web á medida, co que necesite o teu proxecto: tenda, reservas, área privada ou o que faga falta. Desde 1.299 € + IVE.
E polo que nos contas da túa marca, viríache ben traballala antes de levantar a web: a identidade vai á parte, desde 250 €.
Empezamos a darlle forma a Fiadeiro en 2026.
Estes son os nosos primeiros proxectos. Son moi diferentes entre si e precisamente por iso amosan algo que nos importa: non temos unha única forma de deseñar. Temos unha forma de traballar.
0102
Bailarina, profesora e directora artística con quince anos de carreira internacional en swing, lindy hop e solo jazz.
O que fixemos
0202
Xestión e resolución de conflitos en contornas deportivas, para adestradores e donos de instalacións.
O que fixemos
O que case sempre nos preguntan antes de empezar. Se che falta algunha, escríbenos e respondémosche.
En catro pasos. Primeiro, unha chamada sen compromiso para entender o teu proxecto. Despois enviámosche unha proposta pechada, con prezo e prazos, para que decidas con todo á vista. Logo deseñamos e desenvolvemos a web, amosándoche os avances para axustar o que faga falta. E ao final publicámola, explicámosche como funciona e, se queres, seguimos coidándoa co mantemento.
Entre unha e dúas semanas o Fío, de dúas a catro a Madeixa e de catro a oito o Tea. O reloxo empeza cando temos os textos e as imaxes, non cando asinamos.
O que teñas: textos, fotos e os accesos ao teu dominio se xa o tes. Se non os tes, tamén os facemos nós —a redacción e a dirección de fotografía entran en deseño dixital—.
Si, máis IVE. Se o teu proxecto necesita algo que non está incluído dicímoscho antes de empezar e decides ti. Nunca aparece ao final.
Si, dentro do mantemento, que vai á parte da web: desde 35 € ao mes, co aloxamento, o correo do teu dominio, as copias de seguranza e as revisións técnicas. Podes ocuparte ti de todo iso ou deixárnolo a nós.
Non. Cada web constrúese a man, así que non arrastra o peso nin as limitacións dun modelo e carga máis rápido.
Con Madeixa e con Tea, si: levan un panel para editar textos e imaxes sen tocar código. O Fío é unha páxina soa e os cambios facémolos nós.
Tamén a facemos: unha identidade esencial desde 250 € ou unha completa desde 600 €. Así encaixa coa web desde o principio en vez de ter que adaptala despois.
A primeira chamada é longa e non custa nada. Traballes ou non connosco, sairás coas ideas máis claras.
Mensaxe enviada
Grazas.
Respondémosche en menos de 48 h. Se tes présa, escríbenos a hola@fiadeiroestudio.com.
